Home / రాజకీయాలు / జాతీయ / ఢిల్లీ పర్యటనలో ఆంధ్రప్రదేశ్ సీఎం చంద్రబాబు నాయుడు!

ఢిల్లీ పర్యటనలో ఆంధ్రప్రదేశ్ సీఎం చంద్రబాబు నాయుడు!

ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఢిల్లీలోని తన పర్యటనతో కీలక చర్చలు నిర్వహిస్తూ బిజీగా గడుపుతున్నారు. రాష్ట్ర అభివృద్ధి పనులు వేగవంతం చేయడం కోసం పలువురు కేంద్రమంత్రులను కలిసిన చంద్రబాబు, రాష్ట్రానికి సంబంధించిన పలు ప్రధాన అంశాలపై సమాలోచనలు జరిపారు.

ఢిల్లీ పర్యటనలో భాగంగా సీఎం చంద్రబాబు ఆర్థిక మంత్రి నిర్మలా సీతారామన్‌తో సమావేశమయ్యారు. అమరావతికి ప్రపంచ బ్యాంకు, ఏషియన్ డెవలప్‌మెంట్ బ్యాంకు ద్వారా రుణాల ప్రక్రియను వేగవంతం చేయాలని నిర్మలకు విన్నవించారు. గోదావరి-కృష్ణా-పెన్నా నదుల అనుసంధానానికి నిధుల విడుదల, వ్యవసాయ ఆధారిత రాయలసీమ, ప్రకాశం జిల్లాలకు త్రాగు, సాగు నీటిని అందించే చర్యలపై చర్చించారు.

విదేశాంగ మంత్రి సుబ్రహ్మణ్యం జైశంకర్‌తో కూడా చంద్రబాబు సమావేశమయ్యారు. అమరావతి నిర్మాణంలో సింగపూర్ భాగస్వామ్యాన్ని పునరుద్ధరించాలని, విదేశీ పెట్టుబడులు రాష్ట్రానికి మరింతగా రప్పించేందుకు కేంద్ర సహకారాన్ని కోరారు. అమెరికా కొత్త ప్రభుత్వ విధానాల ప్రభావం, ముఖ్యంగా విద్యార్థుల ఇమ్మిగ్రేషన్ సమస్యలపై కూడా చర్చించారు.

ఇదే సమయంలో రాష్ట్ర జీఎస్టీ సర్చార్జ్‌ను ఒక శాతం పెంచాలని, నదుల అనుసంధానానికి కేంద్రమంత్రులను కోరిన చంద్రబాబు, ఆర్థిక రంగంపై వివిధ అంశాలను ప్రస్తావించారు.

ఈ పర్యటన మధ్యలో హిందుస్థాన్ టైమ్స్ శత వార్షికోత్సవాల్లో పాల్గొన్న చంద్రబాబు, అక్కడి నుంచి నేరుగా మహారాష్ట్ర అసెంబ్లీ ఎన్నికల ప్రచారానికి వెళ్లనున్నారు. ఢిల్లీలోని ఈ సమావేశాలు రాష్ట్ర అభివృద్ధికి మరింత తోడ్పడతాయని టీడీపీ వర్గాలు ఆశాభావం వ్యక్తం చేస్తున్నాయి.

Leave a Reply

Your email address will not be published. Required fields are marked *