కన్నడ స్టార్ హీరో, దర్శకుడు రిషబ్ శెట్టి తన ప్రతిష్టాత్మక ప్రాజెక్ట్ ‘కాంతారా: చాప్టర్ 1’ పై మొత్తం దృష్టి సారించారు. తక్కువ బడ్జెట్‌తో రూపొందిన మొదటి భాగం ‘కాంతారా’ దేశవ్యాప్తంగా సూపర్ హిట్ అవ్వడం తెలిసిందే. రూ.400 కోట్లకు పైగా వసూళ్లు సాధించిన ఈ చిత్రం కన్నడ సినిమాలకు పాన్ ఇండియా స్థాయిలో గుర్తింపు తెచ్చింది. ఈ విజయంతో ఆ సినిమాకు ప్రీక్వెల్‌గా ‘కాంతారా: చాప్టర్ 1’ ను రిషబ్ శెట్టి ప్రకటించారు.
ప్రస్తుతం ఈ సినిమా షూటింగ్ శరవేగంగా కుందాపూర్ ప్రాంతంలో జరుగుతోంది. భారీ బడ్జెట్‌తో రూపొందుతున్న ఈ చిత్రానికి హోంబాలే ఫిల్మ్స్ బ్యానర్‌పై విజయ్ కిరగందురు నిర్మాతగా వ్యవహరిస్తున్నారు. హాలీవుడ్ స్టంట్ టెక్నీషియన్లు కూడా ఈ చిత్రంలో పనిచేస్తుండటంతో, ఇది హాలీవుడ్ స్థాయిలో ఉంటుందని రిషబ్ శెట్టి హామీ ఇస్తున్నారు. తాజాగా రిషబ్ శెట్టి ఈ సినిమా విడుదల తేదీని ప్రకటించారు. 2025 అక్టోబర్ 2న, గాంధీ జయంతి సందర్భంగా ‘కాంతారా: చాప్టర్ 1’ గ్రాండ్‌గా విడుదల కానుంది.
మొదటి భాగం తర్వాత పెద్ద అప్డేట్ ఏమీ లేకపోవడంతో అభిమానులు నిరాశ చెందారు. అయితే ఇప్పుడు రిలీజ్ డేట్ ప్రకటించడం ద్వారా చిత్ర బృందం వారిని ఆశ్చర్యపరచింది. ఈ ప్రకటనకు సంబంధించిన పోస్టర్ కూడా సోషల్ మీడియాలో విడుదలైంది. దీంతో సినిమా పై మరింత చర్చ ప్రారంభమైంది.
ఈ సినిమాను పాన్ ఇండియా స్థాయిలో విడుదల చేయబోతున్నారు. మొదటి భాగం సాధించిన విజయంతో, ప్రీక్వెల్ భారీ వసూళ్లు సాధించే అవకాశం ఉందని చిత్ర బృందం నమ్మకంగా ఉంది. సినిమా 1000 కోట్లకు పైగా వసూళ్లు సాధిస్తుందనే అంచనాలు ఉన్నాయి. రిషబ్ శెట్టి పాత్ర ఎలా ఉంటుందనేది, కథలోని కొత్త అంశాలేమిటనేది అభిమానుల్లో ఆసక్తి రేపుతోంది. తక్కువ బడ్జెట్‌తో రూపొందిన మొదటి భాగం ఎలా విశేష విజయాన్ని సాధించిందో ప్రత్యేకంగా చెప్పనవసరం లేదు. అయితే ఈసారి భారీ బడ్జెట్‌తో హాలీవుడ్ స్థాయిలో ఈ చిత్రం ప్రేక్షకులను అలరించనుంది.
2025 అక్టోబర్ 2న, ‘కాంతారా: చాప్టర్ 1’ ప్రేక్షకుల ముందుకు రానుండటంతో అభిమానులు ఉత్సాహంగా ఎదురు చూస్తున్నారు.
