తెలుగు రాష్ట్రాల్లో సంచలనం సృష్టించిన మీర్‌పేట్ హత్య కేసులో పోలీసులు కీలక విషయాలు వెల్లడించారు. రాచకొండ సీపీ సుధీర్ బాబు ప్రకారం, 16వ తేదీ ఉదయం 8 గంటలకు మాధవి, గురుమూర్తి మధ్య గొడవ మొదలైంది. గొడవ కారణంగా గురుమూర్తి, మాధవిని చంపాలని నిర్ణయించుకున్నాడు. ఆమెని కొట్టి గోడకు తాకించి కుప్పకూలిపోయింది. ఆమె స్పృహ కోల్పోయిన తరువాత, ఉద్దేశపూర్వకంగా గొంతు నులిమి హత్య చేసాడు.
భార్య మాధవిని చంపిన అనంతరం, గురుమూర్తి ఆమె శరీరాన్ని ముక్కలుగా చేసి, వాటిని బకెట్లో ఉంచి, వాటి పై వాటర్ హీటర్ ఉపయోగించి ఉడికించాడు. ఆ తర్వాత వాటిని స్టవ్ పై ఉంచి, ఎముకలను రోటిలో దంచి పౌడర్ గా మార్చాడు. ఈ పౌడర్‌ను బాత్రూంలోని ఫ్లెష్‌లో వేసి శరీర భాగాలను కలిపిన అనంతరం, మరికొన్ని చిన్న ఎముకలను డస్ట్ బిన్‌లో వేసాడు.
ఈ హత్య తరువాత, గురుమూర్తి తన ఇద్దరు పిల్లలను బంధువుల వద్ద ఉంచి, మాధవిని గొడవ పెట్టి ఇంటి నుంచి వెళ్లిపోయిందని చెప్పి, పిల్లలకు భ్రమ కల్పించాడు. నిందితుడు ఈ సృష్టించిన హత్యను పక్కదారి పట్టించే ప్రయత్నం చేశాడు, కానీ ఆధారాలు దొరికిన తరువాత అతని అసలైన ఉద్దేశం బయటపడింది.
ఈ హత్య అనేది క్షణికావేశంలో చేయబడినది కాదని, అది ఒక ప్రణాళిక ప్రకారమే జరిగినది అని సీపీ సుధీర్ బాబు తెలిపారు. ఇంకా ఈ కేసులో మరిన్ని వివరాలు వెలుగులోకి రానున్నాయి.
