మెగా మేనల్లుడు సాయి ధరమ్ తేజ్ నటిస్తున్న తాజా చిత్రం సంబరాల యేటి గట్టు. విభిన్నమైన కథలను ఎంచుకుంటూ తనకంటూ ప్రత్యేకమైన ఫ్యాన్ బేస్‌ను సంపాదించుకున్న తేజ్, ఈసారి ప్రేక్షకులను మరోసారి ఆకట్టుకోవడానికి సిద్ధమవుతున్నాడు. ఈ సినిమా టీజర్‌ను ఇటీవల గ్లోబల్ స్టార్ రామ్ చరణ్ చేతుల మీదుగా గ్రాండ్ ఈవెంట్‌లో విడుదల చేశారు.
ఈ కార్యక్రమంలో రామ్ చరణ్ తన ఎమోషనల్ స్పీచ్‌తో అందరినీ కదిలించారు. సాయి ధరమ్ తేజ్ గతంలో ఎదుర్కొన్న ప్రమాదాన్ని గుర్తుచేసుకున్న చరణ్, ఆ రోజులు ఎంతటి కష్టంగా ఉన్నాయో జ్ఞాపకం చేసుకున్నారు. తేజ్ తన పునర్జన్మకు కారణం అభిమానుల ఆశీర్వాదాలేనని చరణ్ భావోద్వేగంగా తెలిపారు.
రామ్ చరణ్ మాట్లాడుతూ, “తేజ్ పదేళ్ల ప్రయాణం నిజంగా అద్భుతం. తేజ్ మంచివాడు, కష్టపడి ముందుకు సాగేవాడు. ఈరోజు తేజ్ ఇక్కడ ఉండటం మీ అందరి ప్రేమ, ఆశీర్వాదాల వల్లే. ఆంజనేయ స్వామి మీద ఒట్టు వేసి చెప్తున్నా, ఇది తేజ్‌కు పునర్జన్మ. ఆ రోజుల్ని మళ్లీ గుర్తు చేసుకోవాలని నేను అనుకోవడం లేదు, కానీ ఆ సమయంలో మనమంతా ఎంత భయపడ్డామో మాటల్లో చెప్పలేను. మూడు నెలలు గుండెల్లో భయం పట్టుకుని ఉండాల్సి వచ్చింది,” అన్నారు.
సంబరాల యేటి గట్టు గురించి మాట్లాడుతూ, “ఈ సినిమాలో తేజ్ ఊచకోత ఎలా ఉంటుందో మీరు చూడబోతున్నారు. ఈ సినిమా బ్లాక్ బస్టర్ కావాలని నా మనస్ఫూర్తిగా కోరుకుంటున్నా,” అని రామ్ చరణ్ పేర్కొన్నారు. చివరిగా, సరదాగా చరణ్, తేజ్ ప్రేమ బండ ప్రేమ అని ప్రశంసిస్తూ, “ఇప్పుడు పెద్దవాడివయ్యావు, పెళ్లి చేసుకోమని సరదాగా చెప్పి వేడుకకు చుట్టూ నవ్వులు నింపారు.”
సంబరాల యేటి గట్టు టీజర్‌కు ప్రేక్షకుల నుండి విశేష స్పందన లభించింది. మెగా ఫ్యామిలీకి చెందిన తేజ్, తన ప్రతిభతో ఇండస్ట్రీలో ప్రత్యేక స్థానాన్ని దక్కించుకున్నాడు. ఈ చిత్రంలో తన పెర్ఫార్మెన్స్, కథ, భావోద్వేగాలు ప్రేక్షకులను కట్టిపడేయడం ఖాయం లా ఉంది, సంబరాల యేటి గట్టు సినిమా ఎలా ఉండబోతుందో అందరూ ఆసక్తిగా ఎదురు చూస్తున్నారు.
