పుష్ప 2 చిత్రానికి ప్రేక్షకుల్లో ఉన్న భారీ అంచనాలు చూస్తుంటే, ఈ సినిమా టికెట్లు ముందస్తుగా హాట్ కేకుల్లా అమ్ముడవుతాయని అందరూ భావించారు. కానీ మైత్రి మూవీ మేకర్స్ ప్రొడ్యూసర్స్ అత్యాశ కారణంగా ఈరోజు ప్రీమియర్ షో టికెట్లు ఇంకా చాలా చోట్ల అందుబాటులో ఉన్నాయి.
సాధారణంగా, ప్రీమియర్ షో టికెట్లు విడుదలయ్యాక క్షణాల్లో విక్రయమవుతుంటాయి. కానీ ఈసారి టికెట్ ధరలు విపరీతంగా పెంచడంతో పరిస్థితి వేరుగా మారింది. రూ. 500 టికెట్ ధర ఉండి ఉంటే ఇప్పటి వరకూ టికెట్లు పూర్తిగా అమ్ముడైపోయేవి. కానీ ఎక్కువగా ధర పెంచడంతో ప్రేక్షకులు వెనకడుగు వేస్తున్నారు.
పుష్ప 2 సినిమాపై ఉన్న క్రేజ్‌ని ప్రొడ్యూసర్స్ సద్వినియోగం చేసుకోవాలనుకోవడం అర్ధమవుతుంది. కానీ టికెట్ రేట్లు సాధారణ ప్రేక్షకులకు అందుబాటులో లేకపోవడంతో ఈ స్థితి ఏర్పడింది. ఇప్పటికైనా టికెట్ ధరల విషయంలో ఓ సంయమనం పాటిస్తే, సినిమాకి మరింత మంచి రెస్పాన్స్ రావచ్చు.
ప్రేక్షకుల అభిప్రాయాలు చూస్తే, “సినిమా చూడాలనే ఉత్సాహం ఉంది, కానీ రేట్లను తగ్గిస్తే బాగుండేది” అంటూ అంటున్నారు. మరి ఈ పరిణామాలు ప్రొడ్యూసర్స్ దృష్టికి వెళ్తాయా? లేక ప్రేక్షకులు ఇలాగే నిరాశ చెందుతారా అనేది చూడాలి.
